“It-tnejn, 20 ta’ Lulju 2026, il-Bord tal-Inġiniera sejjaħ laqgħa bejn il-Kamra tal-Inġiniera, l-MCAST u l-Università ta’ Malta. Matul din il-laqgħa, b’kordjalità u b’rispett reċiproku, ġiet diskussa tema importanti – il-Futur tal-Professjoni tal-Inġinerija.

​Matul din il-laqgħa qbilna li jinbeda proċess ta’ diskussjoni sabiex, fost affarijiet oħra, iwassal għat-titjib u tibdil kemm fl-aspett akkademiku kif ukoll fil-valutazzjoni għall-għoti tal-warrant, flimkien mat-twettiq tal-ħtiġijiet tal-industrija u tas-soċjetà tal-lum u tal-futur. Dan sabiex aktar ‘il quddiem din id-diskussjoni titwessa’ mal-kommunità tal-Inġiniera, mal-industrija u mas-socjetà inġenerali.”